Doctrine

LAIRAM ISUA KRISTA BAPTIST KOHHRAN
THURIN PUANCHHUAHNA

1. THUHMAHRUAI
Kan Kohhran thurin leh tihdante hi a thara chher chawp kan ni lo va. Apostol te, Kohhran hmasa te leh Nicea khawmpui thurin kha a la ni reng a. Chung bakah kan Kristianpui, a bik takin kan unau Baptist Kohhran dangte thurin leh tihdante hnawl lovin kan tawmpui bawk. Chung thurin leh tihdante chu lungphuma hmangin, kan dinhmun leh khawsak dan mila buatsaih a ni. Kan Kohhran thurin puanchhuahnate leh thuthlungte hi kan Kohhrana Minister thawk lai te, Kohhran Upa te, Rawngbawltu leh Kohhrana thawktute chuan chiang taka kan hriat leh zawm a tul a. Kohhran enkawlna leh zirtirna atan kan hmang thei tur a ni. Rin dan, pawm dan leh tihdan phungah Kohhran chu zai khata luanga kan thawhho ngei a pawimawh a ni. Kohhran Thurin puanchhuahna chu he lehkhabuah hian hetiangin then a ni: Apostolte Thurin, Nicea Thurin, Kohhran Thurin, Kohhran Thuthung, Kohhran mite tihturte, Kohhran mite tih loh turte leh Kohhran kalphung, tiin.

2. APOSTOLS CREED
I believe in God the Father, Almighty, Maker of heaven and earth:
And in Jesus Christ, his only begotten Son, our Lord:
Who was conceived by the Holy Ghost, born of the Virgin Mary:
Suffered under Pontius Pilate; was crucified, dead and buried: He descended into hell:
The third day he rose again from the dead:
He ascended into heaven, and sits at the right hand of God the Father Almighty:
From thence he shall come to judge the quick and the dead:
I believe in the Holy Ghost:
I believe in the holy catholic church: the communion of saints:
The forgiveness of sins:
The resurrection of the body:
And the life everlasting. Amen

3. NICENE CREED
I believe in one God, the Father Almighty, Maker of heaven and earth, and of all things visible and invisible.

And in one Lord Jesus Christ, the only-begotten Son of God, begotten of the Father before all worlds; God of God, Light of Light, very God of very God; begotten, not made, being of one substance with the Father, by whom all things were made.

Who, for us men for our salvation, came down from heaven, and was incarnate by the Holy Spirit of the virgin Mary, and was made man; and was crucified also for us under Pontius Pilate; He suffered and was buried; and the third day He rose again, according to the Scriptures; and ascended into heaven, and sits on the right hand of the Father; and He shall come again, with glory, to judge the quick and the dead; whose kingdom shall have no end.

And I believe in the Holy Ghost, the Lord and Giver of Life; who proceeds from the Father [and the Son]; who with the Father and the Son together is worshipped and glorified; who spoke by the prophets.

And I believe one holy catholic and apostolic Church. I acknowledge one baptism for the remission of sins; and I look for the resurrection of the dead, and the life of the world to come. Amen.

4. LAIRAM ISUA KRISTA BAPTIST KOHHRAN THURIN
Lairam Isua Krista Baptist Kohhran chuan Kohhran hmasate thurin dungzuiin, Kohhran mite kaihhruai nan heng a hnuaia thurinte hi a siam a. Kohhran mi zawng zawngte chu heng thurinte hi pawm turin a ngen a ni.
1) Pathian Lehkhabu Thianghlim: Pathian Lehkhabu Thianghlim (Holy Bible), Thuthlung Hlui leh Thuthlung Thar hi Pathian Thlarau Thianghlim thawk khuma ziak, Thu tak leh Thu nung a ni. Pathianin a mite, a chhiahhlawhte hnena a thuchah hriattir a ni. Pathian thute hi zirtirna tha famkim, dik lo thei lo a ni a; chhandamna leh ringtu nun kaihhruaina atan rintlak a ni. Kan rinna, thiltih, nun dan leh ngaihdante tehna dik ber a ni.
2) Pathian: Pathian nung leh dik pakhat a awm a, Amah chu kan Pathian a ni. Pathian chu engkim bul leh tawp a ni. Awm tan ni nei lo, Chatuan mi, danglam ngai lo, Roreltu chungnung ber, engkim siamtu, engkim hria, khawi kipa awm thei a ni. Thu takah te, finnaah te, thianghlimnaah te, hmangaihna leh thatna tinrengah te a famkim a ni. Pathian chu Thlarau a ni a. Amah chauh chu kan rin, innghahna leh chibai kan buk chu a ni.
3) Pathiana Minung Pathum (Trinity): Pathian pakhatah Minung Pathum – Pa, Fapa, Thlarau Thianghlim a awm. Pumkhat an ni a; nihnaah te, famkimnaah te, thiltihtheihna leh ropuinaah te intluk an ni. Chanpual leh hun ruat neiin inrem takin pumkhatin an thawkho a ni.
4) Isua Krista: Isua Krista chu Pathian Fapa mal neih chhun, Pathian inpuanchhuahna famkim a ni. Pathianin khawvelah a rawn tir a. Mihringah lo changin Thlarau Thianghlim thiltihtheihnain nula thianghlim Mari’n a hring a. Amah chu Pathian leh mihring dik tak a ni, sual erawh chu a nei lo. Kan sualte tlan nana inhlanin krawsah khenbehin a awm a, a thi a, phumin a awm a. Ni thum niah Pathian thiltihtheihnain mitthi zing ata a kai tholeh a, Pa Pathian ding lamah a han thu ta a. Chuta tang chuan leiah a lo kal leh ang, mitthi leh minung ro relsak turin.
5) Thlarau Thianghlim: Thlarau Thianghlim chu Pathian a ni a. Pa leh Fapa nena pumkhat, Pa leh Fapa atanga lo awm, Pa leh Fapa aiawh thei, Finna, Hriatna leh Famkimna nei, Pathian chatuan thiltum tihlawhtling tura thawktu, thu hriattirtu leh Thu tak zawng zawnga hruailuttu a ni. A hnathawh chu mite hnena sual nih hriattir te, chhandamna kawng kawh hmuh leh rinna kawnga hruaia Pathian hnen an thlen theihna tura kawng kawhhmuh a ni. Thlarau Thianghlim chuan chhandamna hmu khawpin mite mit a tivar a, Krista chu an Lal leh Chhandamtuah pawm turin a pui a, rinna leh felna rah tinreng nei turin a thawh sak a, mihring chu siamthar a lo ni thei ta a ni.
6) Mihring: Mihring hi Pathianin ama anpuia a siam a ni a, mipa leh hmeichhiaa siam a ni. Pathian pawl tur leh chawimawi tur te; a thu awia, a rawngbawl tura siam a ni. Mihring zawng zawng hi bul hmun khat leh intluk tlanga siam kan ni. Mihring chu suala tlu a ni. Sual bumna avangin mihring chuan ama duhthlanna ngeiin Pathian dan a bawhchhia a, Pathian lakah helin sualah a tlu a ni. Mihring zingah tumah sualna nei lo, mahni intithianghlima inchhandam thei an awm lo.
7) Chhandamna: Krista rin avangin chhandamin kan awm a. Mihring chu amaha inchhandam thei lo a nih laiin, Pathianin a Fapa Isua Krista thihna leh thawhlehna avangin mi zawng zawng tan chhandamna a thlawnin a siam sak a. Mi tupawhin a sualte a sim a, Isua Krista chu Lal leh Chhandamtua pawma a hnung a zui chuan chhandamna chu a chang thei a ni. Chhandamna changtu apiangte chu mahni ta ni tawh lovin, Pathian ta an ni a. Isua Krista duhdan zuiin nun tharin an nung tawh zawk ang.
8) Piantharna: Piantharna hi Krista ringtua nun thar, Thlarau Thianghlim hnathawh avanga lo awm a ni a. Thlarau Thianghlim tanpuinaa Isua Krista chu Lal leh Chhandamtua pawmtu apiangte chu mi piangthar an ni. Mi piangthar chuan tunhmaa ala neih ngai loh nunthar neiin, mihring thar a lo ni a; Pathian faa vuah a ni. A sual thiltih thinte kal sanin, a rilru put dan a lo thianghlim a, a duhzawngte chu Isua Krista duhzawngte a lo ni ta a ni.
9) Rinna: Rinna chu Thlarau Thianghlim tanpuina zara Pathian thutak hriatna leh pawmna atanga lo intan a ni a. Thinlung leh tihtak zeta Isua Kristaa innghahna leh a thu zawm tura inpekna hi a ni. Rinnain miin Pathian a hrefiah tial tial a, Pathian thiltihtheihna leh chakna a chang bawk. Rinna hi thil beiseite awm ngeia hriatna, thil hmuh lohte hriatfiahna a ni.
10) Thianghlimna: Thianghlimna hi Pathian mizia ringtuin a chan a ni a. Piantharnaah a intan a, ringtu nunah Thlarau Thianghlim hnathawh avangin a thang zel a ni. Thianghlimna chuan rilru, taksa, thiltih leh nunphung zawng zawng a huam vek a. Thianghlimna kawnga thanlen nan Pathian thu zawm, tawngtai, mahni invawn fai, insum, Pathian ngaihsak tura insawizawi leh Pathian duhzawng tihtur awm apiangte tih zel a pawimawh.
11) Mi thianghlimte venhimna: Thlarau Thianghlima piangthar dik takte chu Krista nen an inzawm tlat avangin venhim an ni. Pathian thiltihtheihnaa tihchak an ni a, sual leh thlemna chu chhel takin an tuar chhuak thin. An thatna turin engkimin Pathianin a thawhsak tlat a ni.
12) Kohhran: Kohhran chu Isua Krista thisena hrin, ringtute inpawlho, Krista taksa a ni a. Pathianin a chenna tur atana a koh chhuah, Thlarau Thianghlim in a ni. Ringtu zawng zawngte tihtur chu Kohhran insuihkhawma awma Krista thilserh vawn that te, Pathian chibai buk tura inkhawm te, Chawlhni serh te, tawngtai te, mahni inhlan leh rawngbawl nana thilpek hlan te leh Isua Krista thupek anga Krista Chanchin Tha la hre lote hnena hrila Krista hnena mi dangte hruai leh khawvela Pathian ram din hi a ni.
13) Sacrament: Isua Krista din chhuah serhsang (Sacrament) chu Baptismal eh Lalpa Zanriah hi a ni. Baptisma chu ringtuin Pathian leh Kohhranho mit hmuha Isua Krista thihna leh thawhlehna a pawm a ni tih entirnana leh puanchhuah nana Pa leh Fapa leh Thlarau Thianghlim hminga tuia inhnimpilna a chan hi a ni. Baptisma changte chu Isua Krista ringtu, sualte sima Isua Krista Lal leh Chhandamtua pawmtute an ni.
Lalpa Zanriah chu Krista thisen leh taksa kan sualte ngaihdam nana hlan entîr nana chhang leh uain ringtuten kan chanho hi a ni. Krista thuawina te, kan tana a inhlanna avanga lawmthu sawina te, keimahni nun inhlanthar nan te, amah kan pawlna leh a lo kal lehna kan nghahhlelzia lantir nante kan chang a ni. Lal Isua nena Kohhrante kan inpawlhona leh a rawng bawl tura kan inpek zelna tihlanna a ni a. Lal Isua a lo kal leh hma loh chuan kan ti thin tur a ni.
14) Lalpa lo kal lehna: Khawvel hun hi Pathianin a la titawp ang a. Chumi hunah chuan Lalpa Isua Krista chu a mi thianghlimte hruai tur leh rorel turin ropui takin van atangin a lo kal leh ang. Mitthite chu thlan atangin an tho ang. Mi zawng zawng, mitthi leh minungte chu Pathian rorelna hmaah kan la ding ang. Rorelna chu mi fel leh fel lote thliarna a ni ang. Mi fel lote chu thiamloh changin chatuan hremnaah an lut ang a; Krista ringtu, mi felte erawh chu thiam changin chatuan ropuinaah an lut ang.